नेवासा, प्रतिनिधी
नेवासा येथील गावकऱ्यांच्या वतीने सुरू असलेल्या ज्ञानेश्वरी पारायणाची समाप्ती ग्रंथराज ज्ञानेश्वरीचे ग्रंथाचे विधीवत पूजनाने मंगळवार दि.३ डिसेंबर रोजी सकाळी १०.३० वाजता करण्यात आली.
यावेळी पारायण व्यासपीठ चालक हभप विजय महाराज पवार व गायनाचार्य हभप ज्ञानेश्वर माऊली शिंदे मृदुंगाचार्य भास्कर महाराज तारडे,पत्रकार सुधीर चव्हाण यांच्या प्रमुख उपस्थितीत झालेल्या पारायण समाप्ती प्रसंगी ज्ञानेश्वरी वाचक संजय देशपांडे व सौ.सुषमा देशपांडे यांच्या हस्ते वेदमंत्राच्या जयघोष करत पूजा करण्यात आली.
ज्ञानेश्वरीच्या वाचनाने जीवाचा उध्दार होत असल्याने
ज्ञानेश्वरीचे वाचन प्रत्येक घरातील सदस्यांनी करावे ज्ञानेश्वरी वाचनाने माऊलींची खरी भेट होत ज्ञानेश्वरीच्या पारायणात सहभाग वाढणे ही गरजेचे असल्याचे हरिभक्त परायण विजय महाराज पवार यांनी सांगितले व जिवाच्या उद्धारासाठी ज्ञानेश्वरीचे पारायण करा असे आवाहन यावेळी बोलताना त्यांनी केले
यावेळी ज्ञानेश्वरी ग्रंथाची विधीवत पद्धतीने पूजा महिला व पुरुष भाविकांनी केली यावेळी सोहळा कमिटीचे सदस्य भाऊसाहेब माळवे,ज्ञानेश्वर काळे,अशोकराव लोखंडे, भानुदास गटकळ,बाबासाहेब कोरेकर यांच्यासह भाविक मोठ्या संख्येने उपस्थित होते.सुधीर चव्हाण यांनी सूत्रसंचालन केले तर भाऊसाहेब माळवे यांनी आभार मानले.बुधवारी दि.४ डिसेंबर रोजी सदगुरू नारायणगिरी महाराज प्रबोधन प्रतिष्ठानचे संस्थापक अध्यक्ष गुरुवर्य उद्धव महाराज मंडलिक नेवासेकर यांच्या सकाळी ८ ते १० यावेळेत होणाऱ्या काल्याच्या किर्तनाने आठ दिवस चाललेल्या अखंड हरिनाम सोहळयाची सांगता होणार आहे.
إرسال تعليق