नेवासा फाटा येथे आंबेडकर नगर रस्त्याची पावसाळ्यात रस्त्याची दुरावस्था !

मुरुमाच्या ऐवजी माती टाकल्याने नागरीकांतून संताप ! 

नेवासा,(प्रतिनिधी) 

नेवासा फाटा येथील मक्तापूर  रस्त्याच्या कडेला आसलेल्या आंबेडकर नगर वसाहतीमध्ये दोन चार दिवस सतत झालेल्या पावसामुळे अंतर्गत रस्त्याची पुरती वाट लागली आसून रस्ते दुरुस्तीसाठी मुरुमा ऐवजी माती टाकल्यामुळे रस्त्यावरुन नागरीकांना चालणेही मोठी मुश्कील बाब झाली आहे रस्तावर मुरुमा ऐवजी माती टाकण्याचा प्रताप करण्यात आला आहे.

  या आंबेडकर नगर वसाहतीच्या जिल्हा परिषद शाळेजवळच खड्डा खोदून दुरावस्था झालेल्या दलदलीच्या रस्त्यावर माती टाकण्यात आल्यामुळे आंबेडकर नगर वसाहतीच्या नागरीकांना रस्त्यावरुन चालणेही मुश्कील बाब बनली आसून रस्त्यावर मुरुमाऐवजी माती टाकण्यास कोणी "राजमान्यता" दिली असा सवाल उपस्थित होत आहे. विशेष म्हणजे जिल्हा परिषद प्राथमिक शाळेजवळच जेसीबीच्या सहाय्याने मोठे खड्डे करुन दलदलीच्या रस्त्यावर माती टाकण्यात आली आहे.तर दुसरीकडे शाळेतील विद्यार्थ्यांनाही या खड्यामुळे धोका निर्माण झाला आहे.

  मुरुमा ऐवजी रस्त्यावर माती टाकण्यास कोणी राजमान्यता दिली.असा सवाल अंबादास विटकर यांनी उपस्थित करुन गोरगरीबांना मुलभूत सुविधा मिळत नसल्याचे सांगून दिवसा ढवळ्या मुरुमाऐवजी माती टाकून आगीत तेल ओतण्याचा प्रताप करण्यात आला आसल्याचे विटकर यांनी केला आहे. या रस्त्यावर मुरुमा ऐवजी माती कोणी टाकली असे विचारले आसता ग्रामपंचायतने टाकल्याचे ग्रामस्थांकडून सांगण्यात आले याबाबत ग्रामविकास अधिकाऱ्यांशी संपर्क साधला आसता ते नॉट रिजेबल आसल्याने संपर्क होवू शकला नाही.