नगर - औरंगाबाद महामार्गावर तब्बल तीन तास वाहतूक ठप्प ! पोलिसांचे दुर्लक्ष !
नेवासा, प्रतिनिधी
नगर - औरंगाबाद महामार्गावरील नेवासा फाटा येथे वाहतूक पोलिस नेमणूकीच्या ठिकाणी हजर नसल्याने रविवारी दुपारी तीन तास वाहतूक ठप्प झाली होती सुमारे पाच किलो मिटर लांबच लांब वाहनाच्यां रांगा लागलेल्या होत्या.अनेक वाहनधारकांनी नेवासा पोलिसांशी संपर्क साधला आसता नेवासा फाटा येथे नेमणूकीस आसलेले वाहतूक हवालदार बाहेर आहेत तर पोलिस निरिक्षक रणजित डेरे साप्ताहिक सुट्टीवर आसल्याचे सांगण्यात आले.
नेमणूकीस आसलेल्या पोलिस कर्मचाऱ्यांनी ठप्प झालेल्या वाहतूकीकडे दुर्लक्ष करुन वाहतूक नियंञनात न आणल्यामुळे महामार्गावर पाच किलो मिटर लांबच लांब रांगा लागलेल्या होत्या.त्यामुळे वाहतूक ठप्प होवून वाहने जागेवर थांबल्यानंतर पोलिस कर्मचारी नेवासाफाटा येथे दाखल होवून वाहतूक व्यवस्था सुरुळीत करण्यासाठी एक तासापासून प्रयत्न करुनही वाहतूक व्यवस्था सुरुळीत झाली नाही. त्यामुळे वाहनधारकांना मनस्ताप सहन करण्याची वेळ आली. नेवासा फाटा येथे वाहतूक ठप्प होण्याच्या घटना दैनंदिन बाब झाल्यामुळे नेमणूकीस आसलेल्या पोलिस कर्मचाऱ्यांच्या बदल्या करण्याची मागणी वाहनधारकांतून व्यक्त केला जात आहे.
Post a Comment