जागतिक दिव्यांग दिनाचे औचित्य साधून जि प शाळा मराठी मुलेशेवगाव या शाळेत जागतिकदिव्यांग दिन मोठ्या उत्साहात साजरा करण्यात आला. कार्यक्रमाच्या अध्यक्षस्थानी तालुक्याचे गटशिक्षणाधिकारी श्री रामनाथ कराड हे होते. याप्रसंगी मुलांना गुलाब पुष्प व खाऊ वाटप करून स्वागत करण्यात आले. आपल्या अध्यक्षीय मार्गदर्शनात श्री कराड म्हणाले की दिव्यांग मुलांना न्यूनगंड निर्माण होऊ नये म्हणून त्यांना मित्र करा त्यांना आपल्या दिव्यांग तत्वाची जाणीव होऊ देऊ नका. प्रसंगी दिव्यांग व्यक्ती आपल्या कर्तुत्वाने मोठ्या पदावर गेल्याचे उदाहरणे सांगितले.
पंचायत समिती शिक्षण विभागामार्फत दिव्यांग मुलांना मदतनिस, प्रवासभत्ता, प्रोत्साहनभत्ता अनुदान दिले जाते. त्याचप्रमाणे व्हीलचेअर, मोडीफाय चेअर, थेरपीसेवा चा लाभ दिला जात असल्याची माहिती विशेषतज्ञ श्री महेश राऊत, यांनीही दिली. याप्रसंगी केंद्रप्रमुख रघुनाथ लबडे, दिलीप औताडे, युसुफ शेख शाळेचे मुख्याध्यापक मोहिनीराज साळवे, बप्पासाहेब मरकड, विशेष शिक्षक बाळासाहेब पालवे, अनंत शिनगारे, अशोक तोरडमल, दत्तात्रय सुरवसे व अलका शिंदे तसेच शाळेतील शिक्षक विद्यार्थी उपस्थिती होते.
कार्यक्रमाचे प्रास्ताविक श्री. दशरथ गायकवाड विशेष शिक्षक यांनी केले. तर कार्यक्रमाचे आभार समावेशित शिक्षण तालुका समन्वयक श्री. अनिल जाधव यांनी केले.
Post a Comment