नेवासा, प्रतिनिधी
नेवासा तालुक्यातील प्रवरासंगम टोका येथील शेतकरी व माजी सरपंच गजानन जनार्धन चव्हाण यांना भारतीय लहुजी सेनेच्या वतीने देण्यात येणारा राज्यस्तरीय प्रगतशील शेतकरी पुरस्कार श्रीरामपूर येथे झालेल्या कार्यक्रमात महंत बालब्रह्मचारी महाराज यांच्या हस्ते प्रदान करण्यात आला.
प्रवरासंगम टोका येथील माजी सरपंच गजानन चव्हाण यांनी नवीन तंत्रज्ञानाचा वापर करून शेतीवर विविध प्रयोग राबवून एक आदर्शवत शेती केली ती इतर शेतकऱ्यांपुढे आदर्श निर्माण केल्याने त्यांना हा पुरस्कार प्रदान करण्यात आला
पुरस्कार प्रदान करतेवेळी भारतीय लहुजी सेनेचे संस्थापक विजय रेड्डी,राष्ट्रीय अध्यक्ष बाळासाहेब बागुल सचिव हनिफभाई पठाण,प्रगतशील शेतकरी पोपटराव पाटील,माजी शिक्षण संचालक रामचंद्र जाधव,शांतवन खंडागळे,कायदेशीर सल्लागार अँड रमेश कोळेकर, जिल्हा उपाध्यक्ष रज्जाकभाई शेख,कार्याध्यक्ष शांतवन खंडागळे उपस्थित होते.
राज्यस्तरीय प्रगतशील शेतकरी पुरस्कार मिळाल्याबद्दल गजानन चव्हाण यांचे प्रवरासंगमचे सरपंच सुनील बाकलीवाल,सोसायटीचे माजी अध्यक्ष व प्रगतशील शेतकरी पोपटराव पाटील मुळा कारखान्याचे संचालक बाळासाहेब पाटील,राष्ट्रीय अध्यक्ष बाळासाहेब बागुल, राष्ट्रीय सचिव हनिफभाई पठाण, कायदेशीर सल्लागार अँड रमेश कोळेकर जिल्हा कार्याध्यक्ष शांतवन खंडागळे, जिल्हा उपाध्यक्ष रज्जाकभाई शेख यांनी अभिनंदन केले आहे.
Post a Comment