ग्रामपंचायतीची जागा महाराष्ट्र शासनाचे नावे परस्पर वर्ग झाल्याने गावच्या विकासात अडथळा.
सुरेगाव ता.श्रीगोंदा येथे प्राथमिक आरोग्य केंद्र सुरू होण्याचा मार्ग मोकळा झाला आहे.त्यामुळे माजी सरपंच डॉ.वैशाली मोरे व उपसरपंच गुलाब रामफळे यांचे तिन वर्षांपासुन चालू असलेल्या प्रयत्नांना यशस्वी होणार आहे.
कोळगाव येथे ग्रामीण आरोग्य केंद्र मंजूर झाल्याने तेथे सध्या सुरू असणाऱ्या प्राथमिक आरोग्य केंद्राचे स्थलांतर सुरेगाव येथे होणार आहे.याबाबत राज्य आरोग्य संचालनालयाने काही बाबींची पुर्तता करण्याचे निर्देश जिल्हा परिषद,पंचायत समिती व सुरेगाव ग्रामपंचायतीला दिले आहेत.या आरोग्य केंद्रामुळे सुरेगाव,घुटेवाडी व उखलगाव या दुर्गम गावातील नागरीकांना सरकारी आरोग्य सुविधा मिळणार आहे.तसेत सुरेगाव येथे आध्यात्मिक गुरू पपु आनंदाश्रम स्वामींची संजिवन समाधी असल्याने वर्षभर सतत वारकऱ्यांचा वावर असतो.त्या वारकऱ्यांचा आरोग्याचा प्रश्न सुटणार आहे.या ठिकाणी आरोग्य केंद्र व्हावे यासाठी तत्कालीन सरपंच डॉ.वैशाली मोरे व उपसरपंच गुलाब रामफळे यांनी विशेष प्रयत्न केले.सरपंच सर्जेराव रोडे यांनी पाठपुरावा केला.
ग्रामपंचायतीची आडोतीस एकर जमीन राज्य शासनाने परस्पर घेतली वर्ग करून.
सुरेगाव ग्रामपंचायतीची दावल मलिक देवस्थानच्या जवळ गट नंबर १०७ मध्ये आडोतीस एकर जमीन होती.सदर जमीनीच्या सातबारा उता-यावर परस्पर महाराष्ट्र शासन वनखाते राखीव जागा अशी नोंद करण्यात आली.सुरेगाव गावठाण क्षेत्र केवळ बावीस एकर असुन या क्षेत्रात लोकवस्ती आहे.त्यामुळे शासनाने वर्ग करुन घेतलेली ही जमीन ग्रामपंचायतीला विकास कामांसाठी परत करण्यात यावी ही मागणी उपसरपंच गुलाब रामफळे यांनी जिल्हाधिकारी यांच्या कडे २६ जुलै २०१७ रोजी केली होती. या बाबत रामफळे यांचा जबाब व चौकशी झाली मात्र पुढे कोणतीही कारवाई करण्यात आली नाही.या जागेपैकी दोन एकर जागा या मंजूर प्राथमिक आरोग्य केंद्रासाठी अवश्यक आहे.या ठिकाणी सौर ऊर्जा प्रकल्पा करीता तसेच शौचालय,क्रीडांगण,वाचनालय,शाळा इमारत या साठी ग्रामपंचायतीला ही जागा अवश्यक आहे.आनंदाश्रम स्वामी देवस्थान समितीच्या पार्किंग व गार्डन साठी जागा मिळावी यासाठी संस्थान समितीचे अध्यक्ष मनमोहनसिंग कोचर व विश्वस्तांनी जागेची मागणी ग्रामपंचायतीला केली आहे.गावच्या विकास कामांसाठी सदर जमीन ग्रामपंचायतीला परत करण्यात यावी अशी मागणी ग्रामपंचायतीने केली आहे.
Post a Comment