वाहतुकीस अडथळा निर्माण करणाऱ्या मोकाट जनावरांचा बंदोबस्त करा - ग्रामस्थांची मागणी

नेवासा, प्रतिनिधी

नेवासा शहरातील मुख्य रस्त्यावर बसणाऱ्या फळ विक्रेत्यांना पर्यायी जागेची व्यवस्था करून वाहतुकीस अडथळा निर्माण करणाऱ्या मोकाट जनावरांचा बंदोबस्त करण्यात यावा अशी मागणी नेवासकर ग्रामस्थांनी नगर पंचायत प्रशासनाला निवेदनाद्वारे केली आहे.नेवासा नगरपंचायतचे नगराध्यक्ष यांच्यासह  उपनगराध्यक्ष नंदकुमार पाटील व  नगरपंचायतच्या प्रशासकिय अधिकाऱ्यांना याबाबत निवेदन देण्यात आले आहे.

याबाबत नगरपंचायतला दिलेल्या निवेदनात म्हटले आहे की नगरपंचायत समोरील चौकात रस्त्याला अडथळा निर्माण होईल अशा पध्दतीने फळ विक्रेत्यांनी दुकाने लावलेली आहे त्यातच मोकाट असलेली जनावरे ही देखील वाहतुकीस अडथळा निर्माण करत असल्याने अनेक दुचाकी चालक हे जखमी होऊन पडले आहे यामुळे रस्त्यावर वाहतुकीला अडथळा करणाऱ्याचा बंदोबस्त करण्यात येऊन हा रस्ता वाहतुकीसाठी खुला करण्यात यावा अन्यथा याबाबत नेवासकर नागरिक त्रिव आंदोलन करतील असा ईशारा निवेदनात देण्यात आला आहे.

        नगरपंचायतला दिलेल्या निवेदन उपनगराध्यक्ष नंदकुमार पाटील तसेच नगरसेवक व प्रशासकीय अधिकारी यांना देण्यात आले.यावेळीं नगरसेवक अंबादास इरले,भारत डोकडे,राजेंद्र मापारी,नगरपंचायतचे कर्मचारी विलास आरले उपस्थित होते.या निवेदनावर बालेंद्र पोतदार,सामाजिक कार्यकर्ते शिवा राजगिरे,अनिल सोनवणे,संजय व्यवहारे,अमृत फिरोदिया, शकील शेख, फारूक शेख,शंकर तंटक,दीपक परदेशी,महेश शेजुळ,

सचिन बोरुडे,गणेश निंबाळकर,अक्षय अंबिलवादे,शंकर तनपुरे,गौरव चानन,सुभाष पाटील कडू,विनायक ताठे यांच्यासह शेकडो ग्रामस्थांच्या सहया आहेत.