दिव्यांगांचा न्याय हक्कासाठी गोल्डन ग्रुप सदैव पाठीशी - बब्बूभाई बागवान
दिव्यांग दिनानिमित्त नेवासा येथील सामाजिक कार्यात अग्रेसर असलेल्या गोल्डन ग्रुपच्या वतीने दिव्यांगांचा गौरव करण्यात आला.दिव्यांगांचा न्याय हक्कासाठी गोल्डन ग्रुप योगदान देईल व सदैव पाठीशी राहील अशी ग्वाही गोल्डन ग्रुपचे अध्यक्ष बब्बूभाई बागवान यांनी यावेळी बोलताना केले.
यावेळी झालेल्या कार्यक्रमाप्रसंगी गोल्डन ग्रुपचे प्रमुख बब्बूभाई बागवान,गोल्डन ग्रुपचे मार्गदर्शक पत्रकार सुधीर चव्हाण,नेवासा पंचायत समिती शिक्षण विभागाचे अधिकारी भास्करराव नरसाळे,दाऊदभाई बागवान यांच्या हस्ते प्रहार अपंग संघटनेचे तालुकाध्यक्ष दादासाहेब शेजुळ, उपाध्यक्ष वैजनाथ जाधव,तालुका सचिव विजय शेरे,महिला अध्यक्षा तब्बूताई थेरकर यांचा गुलाबपुष्प देऊन गौरव करण्यात आला.
यावेळी संदीप डौले,अशोक विधाते, बापूसाहेब मोरे गोल्डन ग्रुपचे सदस्य जहिर बागवान,समीर बागवान उपस्थित होते.
शिक्षण विभागाच्या मार्फत अपंग बालकांना मिळणाऱ्या तत्परतेने सवलती देण्याचा आपण प्रयत्न करू अशी ग्वाही शिक्षण विभागाचे अधिकारी भास्करराव नरसाळे यांनी यावेळी बोलतांना दिली.
गोल्डन ग्रुपचे अध्यक्ष बब्बूभाई बागवान म्हणाले की गोल्डन ग्रुपने नेहमी उपेक्षित घटकांना न्याय देण्याचा प्रयत्न केला असल्याने आपण ही अपंगासाठी खारीचा वाटा देऊन योगदान देऊ व त्यांच्या न्याय हक्कासाठी पाठीशी उभे राहू अशी ग्वाही यावेळी बोलताना दिली.
Post a Comment