विसापूर
पिंपळगाव पिसा ता.श्रीगोंदा येथील कुकडी एज्युकेशन सोसायटीचे सावित्रीबाई कला महाविद्यालयात २६/११ रोजी राष्ट्रीय सेवा योजना व विद्यार्थि विकास मंडळ यांच्या संयुक्त विद्यमाने संविधान दिन साजरा करण्यात आला.
यावेळी महाविद्यालयाचे प्राचार्य डॉ.एस.के.ढगे,उपप्राचार्य डॉ.एसआय.घेगडे, सर्व विभागाचे विभागप्रमुख उपस्थित होते. कार्यक्रमाच्या सुरवातीला संविधानाचे वाचन करण्यात आले तसेच महाविद्यालयच्या प्राचार्यांनी विद्यार्थ्यांना मार्गदर्शन करतांना भारताचे संविधान हे जगातील सर्वात मोठे संविधान आहे ,देशातील प्रत्येक नागरीकाला स्वातंत्र्य ,समता , व न्याय मिळावा ,प्रत्येक नागरिकाचे हक्क व कर्तव्य यांची अंमलबजावणी व्हावी या हेतूने भारतीय संविधानाची निर्मिती झाली.या संपुर्ण संविधानाची माहिती विद्यार्थ्यांना झाली पाहिजे असे त्यांनी सांगितले. उपप्राचार्य डॉ. शांतिलाल घेगडे यांनीही भारतीय संविधानाचा विद्यार्थ्यांनी बारकाईने अभ्यास करावा असे सांगितले.
या कार्यक्रमाच्या निमित्ताने राज्यशास्त्र विभागाचे प्रमुख प्रा.डॉ.एस. आर. दुधकवडे सर यांचे व्याख्यान आयोजीत कसण्यात आले होते.त्यांनी विद्यार्थ्यांना मार्गदर्शन करताना संविधान निर्मिती प्रक्रियेपासून आजपर्यंत झालेले बदल याची संपुर्ण सखोल माहिती विद्यार्थांना दिली या संपुर्ण कार्यक्रमाचे सुत्रसंचलन प्रा.शितोळे यांनी केले तर आभार प्रा.डॉ.शेटे यांनी मानले.सदर उपक्रमास कुकडी एज्युकेशन सोसायटीचे प्रमुख माजी आमदार राहुल जगताप पाटील यांनी शुभेच्छा दिल्या. या कार्यक्रमास महाविद्यालयाचे प्राध्यापक व विद्यार्थी यांचा प्रतिसाद मिळाला.
إرسال تعليق