नेवासा, प्रतिनिधी
श्रीरामपूर सहकार न्यायालयाच्या न्यायाधीश अनुसया पाटील यांनी नेवासा येथील संत ज्ञानेश्वर महाराज मंदिरास भेट देऊन पैस खांबाचे दर्शन घेतले.या भेटीप्रसंगी संत ज्ञानेश्वर महाराज मंदिर देवस्थानचे प्रमुख ह.भ.प. शिवाजी महाराज देशमुख यांच्या हस्ते सन्मान करण्यात आला.
यावेळी नेवासा येथील संत श्री ज्ञानेश्वर महाराज मंदिर प्रांगणात आगमन झाल्यानंतर नेवासा वकील संघाच्या वतीने अँड.मयूर कारभारी वाखुरे व अँड.सोनल मयूर वाखुरे-पाटील यांनी सहकार न्यायाधीश अनुसूया पाटील यांचे स्वागत केले.यावेळी अँड.सोनल वाखुरे पाटील यांनी शाल घालून तर संत ज्ञानेश्वर महाराज मंदिराचे प्रमुख शिवाजी महाराज देशमुख यांनी श्रीफळ प्रसाद देऊन न्यायाधीश अनुसूया पाटील यांचा सत्कार केला.
यावेळी संत सेवक पत्रकार सुधीर चव्हाण यांनी ग्रंथराज ज्ञानेश्वरी रचनास्थान व पैस खांबाचे महत्व खांबासाठी मंदिर संत ज्ञानेश्वर महाराजांचे येथील कार्य याविषयी माहिती दिली.विश्वाची माऊली असलेल्या संत ज्ञानेश्वर महाराजांच्या कर्मभूमीला भेट दिल्याने मनाला समाधान मिळून आत्मिक शांती मिळाली असल्याचे न्यायाधीश पाटील यांनी सांगितले.
यावेळी रामायणाचार्य ह.भ.प.नंदकिशोर महाराज खरात,ह.भ.प.सचिन महाराज पवार,संत सेवक जगन्नाथ पाटील,सौ.पदमावती पाटील,श्रीधर पाटील,मंदिर व्यवस्थापक भगवानराव सोनवणे,आप्पा महाराज होन, संदीप आढाव उपस्थित होते
إرسال تعليق