नेवासा,प्रतिनिधी
नेवासा येथील ज्ञानमाऊली चर्च प्रांगणात असलेल्या मतमाऊलीची यात्रा शनिवारी दि.३० नोव्हेंबर रोजी साजरी होत आहे यानिमित्ताने विविध धार्मिक कार्यक्रमाचे आयोजन करण्यात आले असल्याची माहिती ज्ञान माऊली चर्चचे प्रमुख धर्मगुरू फादर प्रकाश राऊत यांनी दिली.मतमाऊली यात्रेनिमित्त ज्ञानमाऊली चर्चवर विद्युत रोषणाई करण्यात आली असून ही विद्युत रोषणाई सर्व भाविकांचे आकर्षण ठरत आहे.
शनिवारी दि.३० नोव्हेंबर रोजी होणाऱ्या मतमाऊली यात्रेनिमित्त सकाळी ९ ते दुपारी ३ यावेळेत आराधना व आरोग्य दानाची प्रार्थना,सायंकाळी ४ वाजता पवित्र मतमाऊली मातेच्या प्रतिमेची मिरवणूक काढण्यात येणार आहे.मिरवणुकीचा समारोप ज्ञानमाऊली चर्च प्रांगणात झाल्यानंतर सायंकाळी ५ वाजता नाशिक धर्मप्रांताचे प्रमुख रेव्हरंट बिशप लुर्ड्स डॅनियल व नाशिक येथील व्हीकर जनरल यांच्या प्रमुख उपस्थितीत यात्रेची पवित्र मिस्सा बलिदान हा धार्मिक विधी होणार आहे.यात्रेनिमित्त दि.२७ नोव्हेंबर ते २९ नोव्हेंबर त्रिदिनी भक्ती सोहळयाला भाविकांनी सहभाग नोंदवला.
रविवारी दि.१ डिसेंबर रोजी सकाळी ८.३० वाजता संगीत पवित्र मिस्सा बलिदानाने पाच दिवस चाललेल्या यात्रा सोहळयाची सांगता होणार असून यात्रेनिमित्त भाविकांनी दर्शनाचा लाभ घ्यावा असे आवाहन फादर प्रकाश राऊत यात्रा कमिटीच्या वतीने करण्यात आले आहे.
إرسال تعليق