नेवासा, प्रतिनिधी
संत ज्ञानेश्वर माऊलीच्या संजीवन सोहळया निमित्त नेवासा येथील जयहरी आध्यात्मिक प्रतिष्ठान प्रांगणात ग्रंथराज ज्ञानेश्वरी पारायण सुरू करण्यात आले असून गुरुवर्य कडूभाऊ काटे महाराज यांच्या प्रेरणेने व हभप सौ.मंगलताई काटे महाराज यांच्या मार्गदर्शनाखाली विविध धार्मिक कार्यक्रमाचे आयोजन करण्यात आले असल्याची माहिती हभप डॉ.अमरनाथ काटे महाराज यांनी दिली.
नेवासा शहर उपनगरातील अहिल्यानगर जवळ असलेल्या जयहरी अध्यात्मिक प्रतिष्ठान प्रांगणात ग्रंथराज ज्ञानेश्वरी पारायण सुरू असून यानिमित्ताने पहाटे ५ ते ६
चिंतन,६.३० वाजता आरती,सकाळी ७.३० ते ११.३० यावेळेत ग्रंथराज ज्ञानेश्वरी पारायण, दुपारी ३ ते ५ प्रवचन,
असे दैनंदिन कार्यक्रम होणार आहे.रविवारी दि.२४ नोव्हेंबर रोजी सायंकाळी ४ वाजता जयहरी अध्यात्मिक प्रतिष्ठानचे प्रमुख ह.भ.प. कडूभाऊ काटे महाराज यांच्या किर्तनाने या सोहळ्याची सांगता होणार असून दिपोत्सव करून जयहरी आध्यत्मिक प्रतिष्ठानमध्ये असलेल्या भगवान दत्तात्रय,सदगुरू श्रीपाद बाबा घोटीकर व संत ज्ञानेश्वर माऊलींच्या मूर्तीची पूजा करून दिपोत्सवद्वारे संजीवन सोहळयानिमित्ताने माऊलीला अभिवादन करण्यात येणार असून भाविकांनी या निमित्ताने दर्शनाचा लाभ घ्यावा असे आवाहन डॉ.अमरनाथ काटे यांनी केले आहे.
إرسال تعليق