माऊलीच्या संजीवन सोहळया निमित्ताने नेवासा येथे दीपोत्सव व भजन संध्या कार्यक्रमाचे आयोजन

नेवासा, प्रतिनिधी

महावैष्णव संत श्रेष्ठ श्री ज्ञानेश्वर माऊली च्या संजीवन समाधी सोहळयानिमित्त श्री संत ज्ञानेश्वर महाराज मंदिर प्रांगणात सोमवार दिनांक २५ नोव्हेंबर रोजी सायंकाळी ६ वाजता दिपोत्सव करून माऊलीला अभिवादन करण्यात येणार असून यानिमित्ताने भजन संध्या या कार्यक्रमाचे आयोजन केले असून या कार्यक्रमाचा परिसरातील भाविकांनी लाभ घ्यावा असे आवाहन संत ज्ञानेश्वर महाराज मंदिराचे प्रमुख हभप शिवाजी महाराज देशमुख यांनी केले आहे.

ग्रंथराज ज्ञानेश्वरीचे रचनास्थान असलेल्या नेवासा येथील 'पैस'खांबाच्या ज्ञानेश्वर मंदिरांमध्ये संजीवन समाधी निमित्त प्रतिवर्षीप्रमाणे दीपोत्सव साजरा करण्यात येणार आहे तसेच संत ज्ञानेश्वर महाराज मंदिर संस्थान, संत ज्ञानेश्वर महाराज भक्त मंडळ व समर्पण कृषीक्रांती संघटना यांच्या संयुक्त विद्यमाने संत सेवा संघ आळंदीचे प्रसिद्ध संगीतकार जीवन धर्माधिकारी यांच्या 'नमो ज्ञानेश्वरा' या भजन संध्या कार्यक्रमाचे सायंकाळी सहा ते आठ या वेळेत आयोजन करण्यात आले आहे व रात्री महाप्रसादाचे ही आयोजन केले आहे.संत ज्ञानेश्वर महाराज मंदिर देवस्थानचे प्रमुख ह.भ.प. शिवाजी महाराज देशमुख,अध्यक्ष माधवराव दरंदले, समर्पणचे प्रमुख अध्यक्ष डॉ.करणसिंह घुले यांच्या उत्कृष्ट नियोजनात होत असलेल्या या कार्यक्रमासाठी नेवासा तालुक्यातील भाविकांनी मोठ्या संख्येने उपस्थित रहावे असे आवाहन आयोजकांचे वतीने करण्यात आले आहे.

गेल्या पाच वर्षां पासून नेवासेचे भूमिपूत्र व पुणे उद्योजक रविंद्र मुनोत यांच्या वतीने आपल्या मातोश्री स्वर्गीय रमाबाई पन्नालाल मुनोत यांच्या स्मरणार्थ याच कार्यक्रमात आदर्श माता पुरस्कार देण्यात येत असतो यावर्षी २०१९ हा पुरस्कार नेवासा येथील सेवानिवृत्त आदर्श शिक्षिका सौ.शरादिनी मधुकर देशपांडे यांना जाहीर झाला असून येथे होणाऱ्या कार्यक्रमात सदरचा पुरस्कार हा संत महंतांच्या उपस्थितील तो प्रदान करण्यात येणार आहे