नेवासा, प्रतिनिधी
नेवासाफाटा येथील शरणपूर वृध्दाश्रमातील वृद्धांना वाढदिवसाचे औचित्य साधून सामाजिक बांधिलकी जपत वृद्धांना मिष्टान्न देऊन तीन वर्षीय परी उर्फ अनुश्री या बालिकेला औक्षण करून स्त्री जन्माचे स्वागत करण्यात आले या उपक्रमाला उत्स्फूर्त प्रतिसाद मिळाला.
यावेळी वृद्धाश्रम चालक रावसाहेब मगर यांनी स्वागत केले.तर सचिव सौ.सुरेखा मगर यांनी प्रास्ताविकात वृद्धाश्रमातील उपक्रमाची माहिती दिली.यावेळी पुणे येथील उत्पादन शुल्क विभागात कार्यरत असलेले नेवासा येथील विठ्ठल चव्हाण व सौ.रुपाली चव्हाण या दाम्पत्याने त्यांची तीन वर्षीय मुलगी परी उर्फ अनुश्री हिच्या वाढदिवसाच्या निमित्ताने स्त्री जन्माचे स्वागत उपक्रमाचे आयोजन केले होते.
या कार्यक्रमाच्या प्रसंगी शरणपुर वृध्दाश्रमातील मिष्टान्न भोजन देऊन स्त्री जन्माच्या स्वागत उपक्रमाद्वारे वाढदिवसाचा आनंद द्विगुणित करण्यात आला.यावेळी वृद्धाश्रम कमिटीचे जिल्हाध्यक्ष होमगार्ड समादेशक व पत्रकार बाळासाहेब देवखिळे,सौ.रुपाली चव्हाण व प्रज्ञा देवखिळे,कमिटीचे तालुका उपाध्यक्ष पत्रकार सुधीर चव्हाण यांनी वृद्धांशी संवाद साधला व समाजासाठी हा
उपक्रम आनंद व प्रेरणा देणारा ठरला असल्याचे सांगत यापुढे ही वेळोवेळी असे उपक्रम राबवून या वृद्धाश्रमास मदत करण्याची चव्हाण परिवाराने यावेळी बोलताना दिली
यावेळी वृद्धाश्रमातील वृद्ध महिलांनी प्रार्थना गीते गायली कु.परी उर्फ अनुश्री हिचे औक्षण करून उपस्थित वृद्धांना मिष्टान्न भोजन देऊन स्त्री जन्माचे स्वागत करण्यात आले.यावेळी नजीक चिंचोली येथील समाज प्रबोधनकार दिगंबर गोंधळी,व्यापारी विजय दहीवाळकर, वृद्धाश्रम कमिटीचे सदस्य किरण आघाव,व्यवस्थापक संतोष मगर,सौ.ज्योतीताई मगर,सुभाष चव्हाण,नितीन कदम,सचिन कदम,दत्तात्रय गव्हाणे,शुभम गोंधळी,सुनील चव्हाण यांच्यासह महिला भगिनी मोठ्या संख्येने उपस्थित होत्या.
Post a Comment