नेवासा,प्रतिनिधी
नेवासा खुर्द जिल्हा परिषद सेमी इंग्लिश स्कूल या प्राथमिक शाळेमध्ये क्रांतिसूर्य महात्मा ज्योतिबा फुले यांच्या पुण्यतिथी निमित्ताने अभिवादन करण्यात आले.क्रांतिसूर्य महात्मा ज्योतिबा फुलेंचे कार्य बहुजनांच्या उद्धारासाठी स्त्री शक्तीचा सन्मान वाढविणारे असे होते असे प्रतिपादन जिल्हा परिषद शाळा व्यवस्थापन समितीचे सदस्य पत्रकार सुधीर चव्हाण यांनी केले
नेवासा खुर्द जिल्हा परिषदेच्या शाळा प्रांगणात झालेल्या कार्यक्रमाच्या अध्यक्षस्थानी पत्रकार सुधीर चव्हाण हे होते तर शाळेच्या मुख्याध्यापिका श्रीमती शकीला खान,उपाध्यापक अरविंद घोडके,शिक्षक आण्णासाहेब शिंदे यांच्या हस्ते महात्मा फुलेंच्या प्रतिमेस पुष्पहार घालून अभिवादन करण्यात आले.
यावेळी मुख्याध्यापिका शकीला खान यांनी उपस्थित
मान्यवरांचे स्वागत केले अध्यापक अरविंद घोडके यांनी प्रास्ताविकात महात्मा ज्योतिबा फुलेंचे जीवन कार्य विषद केले.
यावेळी बोलताना शालेय व्यवस्थापन समितीचे सदस्य पत्रकार सुधीर चव्हाण म्हणाले की स्त्री शक्तीच्या उद्धारासाठी महात्मा फुले व क्रांतीज्योती सावित्रीबाई फुले यांनी अंगावर शेण चिखल झेलले मात्र त्यांनी विकृत मनोवृत्तीच्या लोकांना भीक घातली नाही बहुजन समाजाला एकत्रित करून त्यांनी जातीयतेच्या भिंती तोडल्या सामाजिक ऐक्यासाठी त्यांनी केलेले कार्य सदैव भारतीयांना स्फूर्ती व प्रेरणा देत राहील स्त्री शक्तीचा सन्मान त्याच्या मुळेच वाढला त्यांचे विचार अंगीकारून समाजात मानवता धर्म वाढविण्यासाठी प्रयत्न व्हावा अशी अपेक्षा त्यांनी यावेळी बोलताना व्यक्त केली.
यावेळी मुख्याध्यापिका श्रीमती शकीला खान,अरविंद घोडके,राहुल आठरे,साईनाथ वडते,आण्णासाहेब शिंदे, प्रतिभा पालकर,छाया वाघमोडे,प्रतिमा राठोड,मिनाक्षी लोळगे,अश्विनी मोरे,प्रतिभा गाडेकर,विद्या खामकर,ज्योती गाडेकर या शिक्षकांसह पालक ही मोठ्या संख्येने उपस्थित होते.शिक्षक आण्णासाहेब शिंदे यांनी सूत्रसंचालन करून उपस्थितांचे आभार मानले.
Post a Comment