देवगड येथील गुरुदत्त माध्यमिक विद्यालयात संविधान दिन साजरा

भारतीय संविधान जगातील सर्वश्रेष्ठ रचना-  प्राचार्य लक्ष्मीकांत नांगरे

नेवासा, प्रतिनिधी

नेवासा तालुक्यातील देवगड येथील लोकनेते मारुतराव घुले पाटील शिक्षण संस्थेच्या असलेल्या गुरुदत्त माध्यमिक व उच्च विद्यालयात संविधान दिन उत्साहपूर्ण वातावरणात साजरा करण्यात आला यावेळी विद्यार्थ्यांना संविधानाचे वाचन करून  शपथ देण्यात आली.भारतीय संविधान जगातील सर्वश्रेष्ठ रचना असल्याने संविधानाचा सन्मान करून जगात देशाची शान वाढवा असे आवाहन  प्राचार्य लक्ष्मीकांत नांगरे सर यांनी यावेळी बोलताना केले.

                संविधान दिनाच्या झालेल्या कार्यक्रमाच्या अध्यक्षस्थानावरून गुरुदत्त माध्यमिक व उच्च माध्यमिक विद्यालयाचे प्राचार्य लक्ष्मीकांत नांगरे हे बोलत होते. यावेळी त्यांनी संविधानाचे स्वरुप रचना,निर्मिती याविषयी  मार्गदर्शन करून त्यांनी संविधानाचे महत्व विषद केले.

         संविधान निर्मितीसाठी डॉ.बाबासाहेबआंबेडकरांचे योगदान सर्वश्रेष्ठ असल्याने देशाच्या एकता व अखंडते साठी संविधानाचा सन्मान करा असे आवाहन त्यांनी यावेळी बोलताना केले.

        कार्यक्रमाच्या प्रारंभी भारतीय घटनेचे शिल्पकार भारतरत्न डॉ.बाबासाहेब आंबेडकर यांच्या प्रतिमेचे पूजन करण्यात आले.संविधानाचे वाचन करून एकता व अखंडतेसाठी विद्यार्थ्यांना शपथ देण्यात आली. विद्यालयाचे शिक्षक बाळकृष्ण गंधारे यांनी स्वागत करून कार्यक्रमाचे प्रास्ताविक केले.

         या प्रसंगी सुंदर हस्ताक्षर स्पर्धा,भाषण स्पर्धा, चित्रकला स्पर्धा,संगीत खुर्ची इत्यादि स्पर्धांचे आयोजन करण्यात आले होते.या स्पर्धांना उत्स्फूर्त प्रतिसाद मिळाला.

यावेळी शाळेतील शिक्षक भरत मुराडे,रंगनाथ रिंधे,गणेश आरगडे,दिपक वायकर,संदिप नाईक,नितिन कांबळे, गंगाधर कोहक,किरण दारकर,आप्पासाहेब काळे,मधुकर गवळी,कविता गावडे,सपना शेलार,संतोष भगत,भास्कर दरंदले,अर्जुन ससे,ज्ञानेश्वर मेथे यांच्यासह पालक ही मोठया संख्येने उपस्थित होते.शिक्षक रामसुंदर राशिनकर यांनी झालेल्या कार्यक्रमाचे सूत्रसंचालन केले तर शिक्षक गणेश आरगडे यांनी आभार मानले