नेवासा,प्रतिनिधी
अतिवृष्टीमुळे नेवासा येथील पठाण यांच्या वाड्याचे छत कोसळून चार जणांचा मृत्यू झाला होता याबाबत आमदार शंकरराव गडाख यांनी शासकीय स्तरावर केलेल्या पाठपुराव्यामुळे व प्रयत्नामुळे पठाण कुटुंबीयांना सोळा लाखाची आर्थिक मदत देण्यात आली. सदरचे धनादेश आमदार शंकरराव गडाख यांच्याहस्ते पठाण परिवाराकडे सुपूर्त करण्यात आले.
अतिवृष्टीत दि.२३ ऑक्टोबर रोजी पाऊस पडत असतांना रात्री ८.३० च्या सुमारास पठाण कुटुंब जेवत असतांना पठाण कुटुंबातील जाफरखान मेहताबखान पठाण,आमनखान उर्फ उसानाखान जाफरखान पठाण,
नर्गिस सहजादेखान पठाण,रिजाला उर्फ बीबी रहेमतुल्ला खान पठाण यांचा वाड्याचे छत अंगावर पडल्याने मृत्यू झाला होता.या घटनेने पठाण कुटुंबीयांवर मोठा दुःखाचा डोंगर कोसळला होता. सर्व गावाने या घटनेबाबत दुःख व्यक्त करून दुःखवटा पाळला होता.
याबाबत नवनिर्वाचित आमदार शंकरराव गडाख यांनी शासकीय स्तरावर पाठपुरावा करून शासनाकडे आर्थिक मदतीची मागणी केली होती त्यानुसार चार लाखांचे दोन धनादेश तर आठ लाखाचा एक धनादेश असे एकूण १६ लाख रुपयांचे धनादेश आमदार शंकरराव गडाख यांच्या हस्ते रहेमततुल्ला खान उर्फ रम्हूशेठ पठाण,शहजादेखान पठाण,खुर्शिदा बेगम जाफरखान पठाण या वारसांकडे सुपूर्त करण्यात आले यावेळी तहसीलदार रुपेशकुमार सुराणा,पठाण कुटुंबीयातील सदस्य जातीय सलोखा समितीचे सदस्य असिफभाई पठाण उपस्थित होते.
Post a Comment