विसापूर येथे एक रात्रीत तिन दुकाने फोडली.

चोरट्यांचा कापड दुकानासह बिअर शॉपीवर डल्ला. 

विसापूर
श्रीगोंदा तालुक्यातील विसापूर येथे रविवारी रात्री चोरट्यांनी तिन दुकाने फोडली आहेत.
 या दुकानात कापड दुकान,बियर शॉपी व हॉटेलचा समावेश आहे.विसापूर स्टेशन रोडवर अमित अमर शेख यांचे आलेशा कलेक्शन नावाने कापड दुकान आहे.सदर दुकानाच्या शटरचे लॉक चोरट्यांनी तोडून दुकानातील जिन्स पँटी,शर्टस् व शुज असा चोरट्यांनी सुमारे एक लाख सहा हजाराचा माल लांबवला आहे.विशेष म्हणजे एका चोरट्याने दुकानातील शुज व शर्ट घालून जुने कपडे व चप्पल तेथेच सोडून दिली.तसेच त्यांच्या समोर असलेल्या अविनाश काटे यांच्या हॉटेलच्या टपरीचा दरवाजा तोडून चोरट्यांनी उचकापाचक केली.मात्र त्या ठिकाणी चोरट्यांना चिल्लर सोडून फारसे हाती काही लागले नाही.चोरट्यांनी सुनील गटणे यांचे संकेत बिअर शॉपी फोडून तेथील काही रोकड व माल लंपास करुन पोबारा केला.आलेशा कलेक्शनचे अमित शेख यांनी बेलवंडी पोलीस ठाण्यात चोरी बाबत अज्ञात चोरट्यांच्या विरोधात गुन्हा दाखल केला आहे.बेलवंडीचे पोलीस निरीक्षक अरविंद माने यांनी घटना स्थळी भेट देऊन पहाणी केली.तपासासाठी श्वान पथकाला पाचारण करण्यात आले.मात्र श्वान पथक आलेशा कलेक्शन पासून दोनशे मीटर अंतरावर संकेत बिअर शॉपी पर्यंत गेले व पुन्हा आलेशा कलेक्शन जवळ येऊन थांबले.चोरट्यांनी या ठिकाणाहून गाडी चा वापर केला असावा असा पोलीसांचा कयास आहे.